“Ağ Şəhər”də yeni su təchizatı və kanalizasiya sistemi yaradılacaq

“Azərsu” ASC “Ağ Şəhər” layihəsi çərçivəsində yeni su təchizatı və kanalizasiya sisteminin yaradılması işləri üçün açıq tender elan edib.

“Report” xəbər verir ki, tenderdə iştirak haqqı 500 manatdır.

İddiaçılar ilkin sənədləri aprelin 20-si, saat 16:00-a qədər, tender təklifi və onun dəyərinin 1%-i qədər bank təminatını isə aprelin 29-u, saat 16:00-a qədər səhmdar cəmiyyətinin Bakı şəhəri, Yasmal rayonu, Moskva prospekti, 67 ünvanında yerləşən inzibati binasına təqdim edə bilərlər.

Təkliflərə mayın 4-də, saat 16:00-da yuxarıda qeyd olunan ünvanda baxılacaq.