"28 May" m/st. - Bakı aeroportu xəttində avtobuslar 24 saat işləyəcək

"28 May" m/st. - Bakı aeroportu xəttində avtobuslar 24 saat işləyəcək Bu istiqamətdə xəttə yeni avtobuslar buraxılıb
İnfrastruktur
3949
30 Noyabr , 2015 12:52
28 May m/st. - Bakı aeroportu xəttində avtobuslar 24 saat işləyəcək

Bakı. 30 noyabr. REPORT.AZ/ Bakıda sərnişindaşıma ilə məşğul olan "BakuBus" MMC "28 May" metrosu ilə Heydər Əliyev Beynəlxalq Hava Limanı arasında ekspress avtobuslarını xəttə buraxıb.

"Report" xəbər verir ki, cəmiyyətin mətbuat xidmətinin rəhbəri Nuridə Allahyarova məlumat verib ki, ekspress avtobuslar 24 saat fəaliyyət göstərəcək: "Hava limanı və "28 May" metro stansiyasından çıxış intervalı 1 saat nəzərdə tutulub. Mənzil başına 30 dəqiqəyə çatmaq mümkün olacaq".

Bu marşrutla gediş haqqı bir istiqamətdə 1,3 manat təşkil edir. Ödəniş ancaq kartla qəbul edilir.

Qeyd edək ki, "28 May" m/st. - Heydər Əliyev Beynəlxalq Hava Limanı xəttində Almaniyanın "MAN" şirkətinin istehsalı olan "Neoplan" markalı avtobuslar hərəkət edəcək. Avtobusda oturacaqların sayı 48-dir və ayaqüstə sərnişin daşınması nəzərdə tutulmayıb. Avtobusda internet, mini-mətbəx, ikili baqaj hissəsi və mini-ayaqyolu var.

Son xəbərlər

Orphus sistemi