Azərbaycanın 12 şəhər və rayonunda çoxmənzilli binaların lift təsərrüfatı yaxşılaşdırılacaq

Azərbaycanın 12 şəhər və rayonunda çoxmənzilli binaların lift təsərrüfatı yaxşılaşdırılacaq Bakı. 5 fevral. REPORT.AZ/ Prezident İlham Əliyev Azərbaycan Respublikasının şəhər və rayonlarında çoxmənzilli binaların lift təsərrüfatının maddi-texniki bazasının möhkəmləndirilməsi ilə bağlı əlavə tədbirlər haqqında sərəncam imzalayıb.
İnfrastruktur
5598
5 Fevral , 2019 18:10
Azərbaycanın 12 şəhər və rayonunda çoxmənzilli binaların lift təsərrüfatı yaxşılaşdırılacaq

Bakı. 5 fevral. REPORT.AZ/ Prezident İlham Əliyev Azərbaycan Respublikasının şəhər və rayonlarında çoxmənzilli binaların lift təsərrüfatının maddi-texniki bazasının möhkəmləndirilməsi ilə bağlı əlavə tədbirlər haqqında sərəncam imzalayıb. 

"Report"un məlumatına görə, sərəncamla Azərbaycanın 12 şəhər və rayonunda 237 çoxmənzilli binanın lift təsərrüfatının maddi-texniki bazasının möhkəmləndirilməsi məqsədilə Azərbaycan Respublikası Prezidentinin 2019-cu il 15 yanvar tarixli 890 nömrəli sərəncamı ilə təsdiq edilmiş “Azərbaycan Respublikasının 2019-cu il dövlət büdcəsində digər layihələr üzrə dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.64-cü bəndində göstərilmiş məbləğin 40 milyon manatı bu sərəncama əlavə edilmiş siyahıya uyğun olaraq şəhər, rayon icra hakimiyyətlərinə ayrılıb. Həmin çoxmənzilli binalar Bakı, Gəncə, Lənkəran, Mingəçevir, Naftalan, Sumqayıt, Abşeron, Bərdə, Goranboy, Salyan, Şəmkir və Tərtər yerləşir.

Son xəbərlər

Orphus sistemi