Bakı. 4 sentyabr. REPORT.AZ/ Türkiyənin nüfuzlu film festivalı olan 52-ci Antalya Altın Portakal Beynəlxalq Film Festivalı və 16-cı Beynəlxalq Antalya Piano Festivalının keçirilmə vaxtı dəyişdirilib.

"Report" Türkiyə KİV-inə istinadən xəbər verir ki, buna səbəb ölkədə noyabrın 1-də keçirilməsi planlaşdırılan növbədənkənar parlament seçkiləridir.

Belə ki, Türkiyədə seçki marafonuna başlaması və həmçinin noyabrda Antalyada "G20"yə üzv dövlətlərin və qonaq ölkələrin liderlərinin zirvə toplantısının keçirilməsi mədəni tədbirləri müvəqqəti olaraq arxa plana keçirib.