Türkiyənin məşhur aktrisası vəfat edib

Bakı. 23 yanvar. REPORT.AZ/ Türkiyənin məşhur kino və teatr aktrisası Ayşen Gruda vəfat edib.

“Report” xəbər verir ki, o, 74 yaşında müalicə olunduğu xəstəxanada dünyasını dəyişib.

Xərçəng xəstəliyindən əziyyət çəkən aktrisa bir müddətdir Kağıthane Derindere Xəstəxanasının Reanimasiya şöbəsində müalicə alırdı.

Qeyd edək ki, A.Gruda 1944-cü ilin avqustun 22-də İstanbulda anadan olub.