“Təsviri sənətə səyahət” adlı satış-sərginin açılış mərasimi olub

Bu gün “Təsviri sənətə səyahət” adlı satış-sərginin açılış mərasimi təşkil edilib.

"Report" xəbər verir ki, Mədəniyyət Nazirliyi və “Four Seasons Hotel Baku”nun birgə təşkilatçılığı ilə baş tutub.

Tədbirdə çıxış edən mədəniyyət naziri Anar Kərimov bildirib ki, sərginin təşkilində başlıca məqsəd gənc istedadlara maddi və mənəvi dəstəyin göstərilməsi, onların yaradıcılığının geniş ictimaiyyətə təqdim edilməsidir: "Bu gün sərgidə rəngkarlıq, heykəltəraşlıq, keramika, qobelen və digər nümunələrin satışı həyata keçiriləcək".

Nazir tanınmış rəssamlar Altay Sadıqzadə və Məlik Ağamalovu fəxri fərmanla təltif edib.

Sonda iştirakçılar sərgidəki əsərlərlə tanış olublar.

Xatırladaq ki, sərgi sabah da davam edəcək.