Tacikistanın Bəstəkarlar İttifaqının sədri avtomobil qəzasında ölüb

Bakı. 12 dekabr. REPORT.AZ/ Tacikistanın Bəstəkarlar İttifaqının sədri Şuxrat Aşurov avtomobil qəzasında ölüb.

“Report” “Avesta”ya istinadən xəbər verir ki, hadisə ölkənin Düşənbə-Yavan avtomobil yolunda baş verib.

Avtomobili Ş.Aşurovun özü idarə edib.

Məlumata görə, 54 yaşlı Ş.Aşurov bu ilin iyun ayından Bəstəkarlar İttifaqına başçılıq edib. O, 1984-cü ildə Tacikistan İncəsənət İnstitutunu bitirib. 1989-2006-cı illərdə Rusiyada müxtəlif musiqi kollekivlərində işləyib. Ş.Aşurov 2006-cı ildə Tacikistana qayıdaraq, S.Ayni adına Dövlət Akademik Opera və Balet Teatrında bədii rəhbər vəzifəsində işləyib.