"Kölə İzaura" serialının ssenari müəllifi vəfat edib

Keçmiş SSRİ-nin mərkəzi telekanalında yayımlanan “Kölə İzaura” serialının ssenari müəllifi Jilbert Braqa 75 yaşında vəfat edib.

“Report” “RİA Novosti”yə istinadən xəbər verir ki, bu barədə onun qohumları məlumat veriblər.

Bildirilib ki, J.Braqa bir sıra xəstəliklərdən, o cümlədən Alzeymerdən əziyyət çəkirmiş.

Qeyd edək ki, J Braqa 1945-ci il noyabrın 1-də Rio-de-Janeyroda anadan olub. Bu şəhərdə katolik kilsəsi yanında ədəbiyyat kollecində təhsil alıb.