Paul Makkartni "Karib dənizinin quldurları" filminə dəvət olunub

Bakı. 25 mart. REPORT.AZ/ Məşhur musiqiçi, 60-cı illərin ingilis rok qrupu olan "Beatles" qrupunun üzvü Paul Makkartni "Karib dənizinin quldurları" filminin yeni bölümündə çəkilmək üçün dəvət alıb.

Bu barədə "Report" xarici KİV-ə istinadən xəbər verir.

Filmin yeni hissəsinin çəkilişlərinin artıq başa çatmasına baxmayaraq musiqiçinin çəkildiyi kadrlar filmə əlavə olunacaq. Hələlik isə musiqinin filmdə hansı rolda oynadığı sirr saxlanılır.

Qeyd edək ki, filmin yeni bölümü "Karib dənizinin quldurları: Ölülər nağıl danışmırlar" 2017-ci ilin yayında nümayiş olunacaq.