Orxan Abbasov: “Eldar Quliyev kinoya yeni axtarışlar, eksperimentlər gətirməyə çalışmışdı”

“Eldar Quliyev Azərbaycan kinosunda çox özəl yerə malik müəllifdir. Həmişə də belə olacaq”.

"Report" xəbər verir ki, bu sözləri "Debüt” film studiyasının direktoru Orxan Abbasov deyib.

"Çünki o fəaliyyətinin ilk illərindən bəri kinoya yeni axtarışlar, eksperimentlər gətirməyə çalışmışdı. Eldar müəllim öz missiyasını gənclərə ötürmək naminə və onlara daha yaxşı şərait üçün 1987-ci ildə “Debüt” studiyasının əsasını qoymuşdu. Bu studiyanın məqsədi gənc kinematoqrafçılar üçün yeni ortam yaratmaq idi. Allah ona rəhmət eləsin", - o bildirib.