Bakı. 13 noyabr. REPORT.AZ/ Cəfər Cabbarlı adına "Azərbaycanfilm" Kinostudiyası tərəfindən çəkilən "İçərişəhər" filmində əsas rollardan birini əməkdar artist Mehriban Zəki ifa edəcək.
Bu barədə "Report"a əməkdar artist özü məlumat verib.
Psixoloji dram janrında olan filmin ssenari müəllifləri Təhminə Rafaella və İlqar Safat, quruluşçu rejissoru İlqar Safat, quruluşçu operatoru Lusa Coassin, rəssam Bütünay Haqverdiyev, icraçı prodüsseri Ülvi Qasımovdur. Filmin prodüsseri Müşfiq Hətəmovdur.
"İçərişəhər" filminin çəkilişləri Bakıda və Zaqatalada aparılacaq.
Film Qarabağ müharibəsi veteranının həyatından, sevgi macərasından bəhs edir.