Livorno festivalında Qara Qarayevə həsr edilən konsert proqramı təqdim olunacaq

Bakı. 9 avqust. REPORT.AZ/ İtaliyada VIII Livorno Beynəlxalq Musiqi Festivalı keçiriləcək.

Mədəniyyət Nazirliyinin İnformasiya və ictimaiyyətlə əlaqələr şöbəsindən "Report"a verilən məlumata görə, tədbir avqustun 21-də başlayacaq və sentyabrın 8-dək davam edəcək. 

Festival çərçivəsində sentyabrın 4-də görkəmli bəstəkar, SSRİ xalq artisti Qara Qarayevə həsr edilən fortepiano konserti təqdim olunacaq. 

Azərbaycan Mədəniyyət Nazirliyinin təşkilatçılığı ilə keçiriləcək konsertdə tanınmış pianoçu Olqa Domninan ifasında Qara Qarayevin, Dmitri Şostakoviçin və Fərəc Qarayevin əsərləri səsləndiriləcək.