Heydər Əliyevin 100 illik yubileyinə həsr olunan konsert keçirilib

Heydər Əliyev sarayında Ümummilli Lider Heydər Əliyevin anadan olmasının 100-cü ildönümünə həsr olunan "Tarix yaradan şəxsiyyət" adlı yubiley konserti keçirilib.

"Report" xəbər verir ki, tədbir Elm və Təhsil Nazirliyinin təşkilatçılığı ilə baş tutub.

Konsert proqramında elm və təhsil naziri Emin Əmrullayev, Milli Məclisin Elm və təhsil Komitəsinin sədri Bəxtiyar Əliyev, dövlət qurumlarının rəsmiləri, müxtəlif məktəblərin şagird və müəllimləri iştirak edib.

Konsert Bülbül adına Orta İxtisas Musiqi Məktəbinin Uşaq Simfonik Orkestrinin Dövlət himni səsləndirməsi ilə başlayıb.

Proqram Uşaq-Gənclər İnkişaf mərkəzlərinin istedadlı tələbələrinin ifasında bəstəkar mahnıları ilə davam edib.