Bakı. 9 fevral. REPORT.AZ/ Heydər Əliyev Sarayı Novruz şənliklərinin hazırlıq işlərinə başlayıb.
"Report" xəbər verir ki, bu barədə məlumatı Sarayın mətbuat xidməti yayıb.
Martın 22-23-də Heydər Əliyev Sarayının səhnəsində "Xonçalı Novruz gəlir" adlı konsert proqramı keçiriləcək. Konsertdə Novruz Bayramının personajları olan Bahar qızı, Kosa, Keçəl və müxtəlif estrada qrupları iştirak edəcək.
Konsertin biletləri artıq satışa çıxarılıb. Biletlərin qiyməti 5-15 manatdır