Fransanın "Givenchy" moda evinin qurucusu vəfat edib

Bakı. 12 mart. REPORT.AZ/ Fransanın "Givenchy" moda evinin qurucusu Yuber de Jivanşi Fransada vəfat edib.

"Report" xarici KİV-ə istinadən xəbər verir ki, fransız modelyer martın 10-da yuxuda ikən keçinib. Onun 91 yaşı var idi.

Qeyd edək ki, Yuber de Jivanşi moda evini 1952-ci ildə yaradıb. Onun dəb üslubu öz əksini britaniyalı aktrisa Odri Hepbern və ötən əsrin 60-cı illərinin əvvəllərində ABŞ-ın birinci xanımı olan Jaklin Kennedinin geyimlərində tapıb.