Donald Trampın çəkdiyi şəkil hərracda 29 min dollara satılıb

Bakı. 28 iyul. REPORT.AZ / ABŞ prezidenti Donald Trampın çəkdiyi şəkil hərracda 29 min dollara satılıb.

"Report"un xarici KİV-ə istinadən verdiyi məlumata görə, bu barədə "Nate D. Sanders Auctions" hərrac evinin rəsmi saytında bildirilir.

Lotun başlanğıc qiyməti 9 min dollar olub. Bu şəkli Tramp 2005-ci ildə xeyriyyə təşkilatı üçün qara markerlə çəkib.

Amerika prezidenti Nyu-Yorkdakı "Tramp Tower" göydələnini təsvir edib.