“Bakıdan Qarabağa” musiqili kompozisiyası təqdim edilib

Bu gün Heydər Əliyev Sarayında Mədəniyyət Nazirliyinin və Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin dəstəyi ilə şəhid və qazi ailələri üçün hazırlanmış “Bakıdan Qarabağa” ədəbi-bədii musiqli kompozisiya təqdim edilib.

"Report" xəbər verir ki, konsert proqramı "Qarabağ şikəstəsi" ilə açılıb.

Proqramı çərçivəsində Müdafiə Nazirliyi Şəxsi Həyət Baş İdarəsi Hərbi Orkestri, Xalq artistləri Flora Kərimova, Samir Cəfərov, Nürəddin Mehdixanlı, Əməkdar artistlər Ramil Qasımov, Teymur Əmrah, Fərqanə Qasımova, İnarə Babayeva və Zamiq Hüseynov, həmçinin Nərmin Kərimbəyova, Samirə, Abgül Mirzəliyev, Nadir Qafarzadə, Kənan Qədimov, Aynur İskəndərlinin ifaları ilə davam edib.