Bakıda perulu rəssamların fərdi sərgisi açılacaq

Bakı. 16 avqust. REPORT.AZ/ Bakıdakı “Art Tower” rəsm qalereyasında sentyabrın 25-də perulu rəssamların fərdi sərgisi açılacaq. 

Mədəniyyət Nazirliyindən "Report"a verilən məlumata görə, sərginin təşkilatçısı Perunun Azərbaycandakı səfirliyi, “İçərişəhər” Dövlət Tarix-Memarlıq Qoruğu İdarəsi, Mədəniyyət Nazirliyi və “Arts Council Azerbaijan” Qeyri-Hökumət Təşkilatıdır.  

Sərgidə dörd Perulu rəssamın əsərləri nümayiş olunacaq. Rəssamların hər biri And dağlarının əzəmətini, meşələrini, füsunkar dağların ətəklərindən axan Amazon çayını, gölləri, quraq və qumlu sahil düzənliklərinin gözəlliklərini əsərlərində özünəməxsus şəkildə əks etdiriblər.

Sərgi oktyabrın 6-dək davam edəcək. Giriş sərbəstdir.