Bakı Dövlət Sirkinin yaradıcı heyəti "Qaliblər düşərgəsi"ndə çıxış edib

Bakı Dövlət Sirkinin yaradıcı heyəti "Qaliblər düşərgəsi"ndə vətən müharibəsində şəhidlik zirvəsinə ucalan qəhrəmanların övladları üçün xüsusi proqramla çıxış edib.

Sirkdən "Report"a verilən məlumata görə, hazırlanan sirk nömrələri düşərgə iştirakçılarının yay tətilini daha da maraqlı və yaddaqalan edib.

Qeyd edək ki, "Qaliblər Düşərgəsi " “For Azerbaijan” Xeyriyyə Təşkilatının təşəbbüsü və dəstəyi, Dövlət Miqrasiya Xidmətinin təşkilati köməyi ilə reallaşır.

Layihə Təhsil Nazirliyi, Rabitə, Nəqliyyat və Yüksək Texnologiyalar Nazirliyi, Ekologiya və Təbii Sərvətlər Nazirliyi, Mədəniyyət Nazirliyi, Sosial Xidmətlər Agentliyi, İcbari Tibbi Sığorta üzrə Dövlət Agentliyi, Bakı Nəqliyyat Agentliyi, Dövlət Turizm Agentliyi, həmçinin digər dövlət qurumları, özəl sektor və qeyri-hökumət təşkilatlarının birgə səyi nəticəsində ərsəyə gəlib.