Azərbaycanlı gənc rejissor Türkiyədəki zəlzələ ilə bağlı “Bir an” adlı sənədli film hazırlayıb

Türkiyədə bu il fevralın 6-da baş vermiş və 50 mindən çox insanın ölümü ilə nəticələnən dəhşətli zəlzələ barədə “Bir an” adlı sənədli film hazırlanıb.

“Report”un xəbərinə görə, ekran işinin rejissoru Azərbaycan Dövlət Mədəniyyət və İncəsənət Universitetinin (ADMİU) məzunu Almaz Qasımovadır.

Sənədli kinonun qəhrəmanı jurnalist Sabir Səfərovdur. Filimdə qeyd olunub ki, həm onun yaşadığı hisslər və peşəsinə adekvat davranışı, həm də Azərbaycan mediasının qardaş ölkənin dərdinə şərik olmağı insanlıq nümunəsidir.

Zəlzələ bölgəsinin mənzərəsi və jurnalistin portreti bu filmdə bir-birinə diffuziya edərək filmin vahid strukturunu təşkil edir.

Filmdə dəhşətli zəlzələnin xronikası da verilib.

Azərbaycanlı gənc rejissor Türkiyədəki zəlzələ ilə bağlı “Bir an” adlı sənədli film hazırlayıb