Vüsal Xanlarov: “Bakalavr təhsil pilləsinə qeydiyyat prosesi rəqəmsallaşdırılacaq”

Yaxın gələcəkdə bakalavr təhsil pilləsinə qeydiyyat prosesinin rəqəmsallaşması planlaşdırılır.

"Report" xəbər verir ki, bunu Elm və Təhsil Nazirliyinin Təhsil Sisteminin İnformasiyalaşdırılması İdarəsinin rəisi Vüsal Xanlarov deyib.

Onun sözlərinə görə, bu ildən Azərbaycan Texniki Universiteti ilə tamamilə kağızsız formada qeydiyyat prosesinin həyata keçirilməsi planlaşdırılır: "Yaxın gələcəkdə bakalavr, ondan sonra rezidentura və doktorantura üçün qeydiyyat və qəbul elektron qaydada həyata keçiriləcək".