UNESCAP Azərbaycandan olan 11 startapa qlobal bazarda dəstək olacaq

BMT-nin Asiya və Sakit okean üzrə İqtisadi və Sosial Komissiyası (UNESCAP) Azərbaycandan olan 11 startapa öz məhsulları ilə qlobal bazarda dəstək olacaq.

“Report” xəbər verir ki, bunu UNESCAP-ın nümayəndəsi Heather Strauss Bakıda keçirilən "Ağıllı Sənaye Hazırlığı İndeksi" təlimində deyib.

"Bu, sabahdan start götürəcək 2 aylıq intensiv proqram çərçivəsində baş tutacaq. Proqram şirkətlərin müvafiq olaraq öz texnologiyalarını potensial quruculuğunu gücləndirməsini və eləcə də onların öz məhsulları ilə qlobal bazara çıxmasını təmin edəcək", - deyə o qeyd edib.