Türkiyənin investisiya şirkəti Azərbaycanın telekommunikasiya layihələrində iştirak edəcək

Türkiyənin “Denge Yatırım Holding A.Ş.”nin törəmə şirkəti Azərbaycanda telekommunikasiya infrastrukturu layihələrinin həyata keçirilməsi ilə bağlı əməkdaşlıq müqaviləsi imzalayıb.

“Report” bu barədə xarici mətbuata istinadən xəbər verir.

“Azərbaycanda telekommunikasiya infrastrukturu layihələrinin həyata keçirilməsi üçün törəmə şirkətimiz “Metrobil Teknoloji A.Ş” ilə “Azertover” MMC arasında əməkdaşlıq müqaviləsi imzalanıb”, - deyə şirkətin açıqlamasında bildirilir.

Xatırladaq ki, 2007-ci ildə yaradılan “Denge Yatırım Holding A.Ş.” logistika, daşınmaz əmlak, texnologiya, sənaye və maliyyə sahələrində fəaliyyət göstərir. Şirkətin səhmləri isə 2012-ci ildən birjaya çıxarılıb.