“Tesla” maşınları daha bir özəlliyə sahib olacaq

ABŞ-ın “Tesla” şirkəti yeni model maşınlarına süni zəka özəllikləri ilə yanaşı, danışma funksiyasını da əlavə edəcək.

“Report” “CNNTürk”ə istinadən xəbər verir ki, süni zəka sahəsində hətta “Apple” kimi şirkətlərlə rəqabətdə olan “Tesla” yeni model maşınlarında danışma özəlliyini də tətbiq edəcək.

Xatırladaq ki, 2 il öncə “Tesla” şirkətində süni zəka üzərində çalışan komandanın rəhbərliyinə Andrey Karpatı təyin edilmişdi. Bu təyinatdan sonra “Tesla” maşınları, özəlliklə süni zəka sahəsində bir çox xüsusiyyətlər əldə edib.