“SpaceX” şirkəti “Starlink” internet peyklərinin növbəti partiyasını orbitə çıxarıb

“SpaceX” kompaniyasının “Falcon 9” daşıyıcı raketi “Starlink” sisteminin qlobal internet şəbəkəsi üçün nəzərdə tutulan 23 mini-peykdən ibarət növbəti qrupu orbitə çıxarıb.

"Report" xəbər verir ki, bu barədə "İnterfaks" “SpaceX” inkişaf şirkətinə istinadən məlumat yayıb.

Qeyd edilib ki, bu, “Starlink” layihəsi çərçivəsində 2019-cu ilin may ayından bəri 131-ci, 2023-cü ilin əvvəlindən isə 62-ci buraxılışdır.

“SpaceX” artıq orbitə 5,6 mindən çox belə peyk çıxarıb, onlardan bəziləri uğursuz olub.