"SpaceX" şirkəti "Falcon Heavy" raketini Marsa göndərib - VİDEO

"SpaceX" şirkəti "Falcon Heavy" raketini Marsa göndərib - VİDEO Raketin göyərtəsində "Tesla Roadster" avtomobili var
İKT
113
7 Fevral , 2018 01:48
SpaceX şirkəti Falcon Heavy raketini Marsa göndərib - VİDEO

Bakı. 7 fevral. REPORT.AZ/ Amerikanın "SpaceX" şirkəti çərşənbə axşamı öz yeni yüksək ağırlıqlı "Falcon Heavy" raketinin ilk buraxılışını həyata keçirib.

“Report” xəbər verir ki, Kanaveral burnundakı buraxılış meydançasında baş verən proses şirkətin saytında canlı yayımlanıb.

"Falcon Heavy"nin göyərtəsində faydalı yük var. Bu, "SpaceX" şirkətinin təsisçisi və sahibi İlon Maskın şəxsi kolleksiyasından olan qırmızı rəngli "Tesla Roadster" avtomobilidir. Maşının sükanı arxasında "SpaceX" skafandırlı "Starman" manekeni əyləşib.

Raket 27 mühərrik və üç çarvadar bloku ilə təchiz edilib. Startdan dərhal sonra iki blok "Falcon Heavy"dən ayrılaraq Yerə enib. Bu bloklardan növbəti buraxılışlar zamanı istifadə olunacaq. Üçüncü blok "Tesla"nı Günəş ətrafındakı heliosentrik orbitə çıxıb. Bu orbit adətən Marsa səyahət üçün istifadə olunur. Bundan sonra üçüncü blok da Yerə qayıdıb. "Tesla" orbitdə hərəkətini müstəqil şəkildə davam etdirəcək.

Son xəbərlər

Orphus sistemi