SİMA-nın “ASAN Login” Vahid Giriş Sisteminə inteqrasiyası yekunlaşıb

Rəqəmsal İnkişaf və Nəqliyyat Nazirliyinin (RİNN) tabeliyində fəaliyyət göstərən “AzInTelecom” MMC-nin yaratdığı SİMA yeni nəsil rəqəmsal imzanın “ASAN Login” Vahid Giriş Sisteminə inteqrasiyası yekunlaşıb.

Bu barədə “Report”a Nazirlikdən məlumat verilib.

Məlumata görə, bununla da, Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin ("ASAN Xidmət") Elektron Hökumətin İnkişafı Mərkəzinin idarə etdiyi “ASAN Login” Vahid Giriş Sistemi üzərindən göstərilən dövlət xidmətləri vətəndaşlar üçün daha əlçatan olubş. Belə ki, vətəndaşlar SİMA vasitəsilə “ASAN Login”ə daxil olmaqla (https://asanlogin.my.gov.az/auth) bura inteqrasiya olunan 80 portala və sistemə vahid məkandan giriş-çıxış imkanı əldə edəcəklər.