Rusiya ilə Türkiyə arasında sahibkarlar üçün onlayn platforma yaradılır

Rusiya Federasiyası ilə Türkiyə iki ölkənin şirkətləri arasındakı işgüzar əlaqələri genişləndirmək üçün onlayn platforma yaradacaqlar.

“Report” “TASS”a istinadən xəbər verir ki, bu barədə ikitərəfli hökumətlərarası komissiyanın iclasında bildirən Rusiya – Türkiyə İşgüzar Şurasının sədri Əgməd Palankoyev iclas çərçivəsində müvafiq sazişin imzalanmasını qeyd edib.

Onun sözlərinə görə, iki ölkə arasında hazırkı 26 milyard dollar həcmində illik ticarət dövriyyəsi mövcud potensialı əks etdirmir.

Qeyd edək ki, Antalyada keçirilən hökumətlərarası komissiyanın iclasına Türkiyə tərəfdən Ticarət naziri Ruhsar Pekcan, Rusiya tərəfindən Energetika naziri Aleksansdr Novak sədrlik edir.