Ötən il “Youtube” Azərbaycandakı bazar payının yarıdan çoxunu itirib

2023-cü ildə Azərbaycanın sosial media bazarında bütün platformalarda (kompüter, mobil cihazlar və planşetlərdə) “Instagram”ın payı 36,64 % təşkil edib.

“Report”un “Statcounter” agentliyinin dekabr hesabatına istinadən verdiyi məlumata görə, bu, bir il əvvəlki göstərici ilə müqayisədə 9,88 faiz bəndi çoxdur.

İkinci pillədə qərarlaşan “Pinterest”in bazar payı 9,53 faiz bəndi artaraq 23,33 % təşkil edib.

Hesabat dövründə “Facebook”un bazar payı bir il ərzində 4,45 faiz bəndi azalaraq 17,34 %-ə enib.

Dördüncü pillədəki “YouTube”un bir il ərzində bazar payı 13,11 faiz bəndi və ya 53 % azalaraq 11,67 %-ə düşüb.

İlk beşliyi 7,58 %-lik (-1,77 faiz bəndi) bazar payı ilə “X” sosial şəbəkəsi qapayır.