Ötən il tanınmayan brend Azərbaycan smartfon bazarının 23 %-ni ələ keçirib

2023-cü ildə Azərbaycanın mobil cihazlar bazarında “Samsung”un payı 31,16 % təşkil edib.

“Report”un “Statcounter” agentliyinin dekabr hesabatına istinadən verdiyi məlumata görə, bu, noyabr ayına nisbətən 0,63 faiz bəndi çox, bir il əvvəlki göstərici ilə müqayisədə isə 11,44 faiz bəndi azdır.

İkinci pillədə qərarlaşan “Xiaomi”nin bazar payı bir il ərzində 10,38 faiz bəndi azalaraq 23,36 % olub.

Hesabat dövründə “Apple”nin bazar payı 0,64 faiz bəndi azalaraq 15,83 % təşkil edib.

Dördüncü pillədə qərarlaşan tanınmayan brend bir il ərzində bazar payını 22,55 faiz bəndi artıraraq 23,15 %-ə çatdırıb.

İlk beşliyi 2,04 % bazar payı (-1,23 %) ilə “Huawei” qapayır.