Nazir müavini: "Dövlət qurumlarının 80 %-nin rəqəmsallaşdırılması nəzərdə tutulub"

Azərbaycanda ilkin mərhələdə dövlət qurumlarının 80 %-nin rəqəmsallaşdırılması nəzərdə tutulub.

“Report” xəbər verir ki, bunu rəqəmsal inkişaf və nəqliyyat nazirinin müavini Samir Məmmədov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında bildirib.

Bundan başqa, onun sözlərinə görə, bu ilin sonuna qədər ölkədə genişzolaqlı internetə çıxış 100 % təmin ediləcək: "Hazırda bu göstərici 80 % civarındadır. Söhbət ortalama hesabla 35 Mbt sürətdən gedir".