Nazir müavini: "Azercell" Azərbaycanda yüksək şəbəkə performansı göstərir" 

"Azercell" şirkəti Azərbaycanda yüksək şəbəkə performansı göstərir.

“Report” xəbər verir ki, bunu rəqəmsal inkişaf və nəqliyyat nazirinin müavini Samir Məmmədov Bakıda keçirilən “GSMA Mobile 360 Eurasia 2024” beynəlxalq konfransında deyib.

O bildirib ki, 18 ayda "Azercell" 300-dən çox baza stansiyası qurmaqla ölkədə internetin keyfiyyətini artırıb: "Azərbaycanda baza stansiyalarının sayı artıb və bu, 5 milyondan çox əhali üçün yüksək keyfiyyətli xidmət deməkdir. "Azercell" BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində GSM-in iqlim dəyişikliyi tapşırıqları qrupuna qoşulub. Bu, onlar üçün prioritetdir".