"McKinsey": Atmosfer emissiyasında telekommunikasiya şirkətlərinin rolu böyükdür

Atmosferə olan tullantılarda əsas pay telekommunikasiya şirkətlərinin üzərinə düşür.

"Report" xəbər verir ki, bu barədə "McKinsey & Company"nin Mərkəzi Asiyadakı telekommunikasiya təcrübəsi rəhbəri Alima Zimanova Bakıda keçirilən "GSMA Mobile 360 Eurasia 2024" beynəlxalq konfransının ikinci günündə deyib.

O bildirib ki, operator qrupları emissiyaların azaldılması üzrə öhdəlik götürüblər: "Onların əksəriyyəti qarşılarına hədəf olaraq 2030-cu ili qoyublar. Aktiv infrastrukturdan istifadə enerjiyə daha çox qənaətə imkan verir. Biz yalnız özümüzü yox, gələcək nəsilləri də düşünməliyik və "yaşıl enerji"dən istifadə etməliyik".