Azərbaycanda "e-KOB evi" portalı yaradılacaq

Azərbaycanda "e-KOB evi" portalı yaradılacaq. 

"Report" xəbər verir ki, bunu Kiçik və Orta Biznesin İnkişafı Agentliyinin (KOBİA) sədri Orxan Məmmədov jurnalistlərə açıqlamasında deyib. 

Onun sözlərinə görə, portalda qurumun sahibkarlarla bağlı həyata keçirdiyi məsələlər öz əksini tapacaq. 

"Portalın yaradılması ilə bağlı işlərə bu yaxında başlanılacaq. Hesab edirəm ki, KOB evi fəaliyyətə başlayandan sonra portal da fəaliyyət göstərəcək", - O.Məmmədov bildirib.

KOB Evinin açılışı ilin sonunadək Nərimanov rayonunda baş tutacaq.