İlqar Musayev: "Gələcəyə yaxşı hazırlanmış mütəxəssislərlə gedirik"

"Bakıda iki gün davam edən “kiber müharibə” yarışı sona çatdı, 3 komanda qalib oldu, hər birini təbrik edirəm".

"Report" xəbər verir ki, bunu jurnalistlərə Xüsusi Rabitə və İnformasiya Təhlükəsizliyi Xidmətinin rəisi general-leytenant İlqar Musayev deyib.

İ.Musayevin sözlərinə görə, final oyun olduğu üçün heç bir komanda uduzmuş hesab olunmur: "Ölkənin dövlət orqanları arasında 20 güclü komanda yarışıb. Bu, ölkə üçün çox vacib, önəmli tədbir oldu. İnanıram ki, gələcəkdə bu cür genişmiqyaslı tədbirlərin sayı çox olacaq. Dövlət Təhlükəsizliyi Xidməti ilə bizim birgə layihəmiz regionda, demək olar ki, ilk dəfədir keçirilir. Biz gələcəyə yaxşı hazırlanmış mütəxəssislərlə gedirik".