İlon Maskın “Starship”i üçüncü dəfə də partladı

Dünyanın ən varlı adamı İlon Maska məxsus “SpaceX” şirkəti tərəfindən yaradılan “Starship” kosmik gəmisinin prototipi bir sıra uğursuz cəhdlərdən sonra yerə endirilib.

“Report”un məlumatına görə, “Starship SN10” adlanan prototip bir neçə dəqiqə ərzində 10 km yüksəkliyə qalxıb və Texasdakı Boka Çika kosmodromunun yanına eniş edib.

Gəmidə baş verən yanğından sonra partlayış olub.

Qeyd edək ki, prototipin partlaması ilk dəfə deyil. “Starship” kosmik gəmisinin prototipi iki dəfə Texasdakı Boka Çika kosmodromunda sınaq uçuşları zamanı partlamışdı.