Amerikanın IBM korporasiyası Rusiyada işlərini tamamilə dayandırıb və ölkədəki işçilərini ixtisar etməyə başlayıb.
“Report”un məlumatına görə, bu barədə “Reuters” agentliyi baş direktor Arvind Krişnanın işçilərə məktubuna istinadən xəbər verir.
Məktubda deyilir ki, qərarın qəbul edilməsinə Ukraynadakı vəziyyət fonunda davam edən qeyri-müəyyənlik səbəb olub.
IBM nümayəndəsinin sözlərinə görə, korporasiyanın bir neçə yüz əməkdaşı Rusiyada işləyir. Məktubda deyilir ki, şirkət Rusiyadan gələn işçiləri dəstəkləməyə davam etmək niyyətindədir.