İnformasiya Texnologiyaları Fonduna indiyədək təqdim olunmuş layihələrin 13%-i maliyyələşdirilib

Nəqliyyat, Rabitə və Yüksək Texnologiyalar Nazirliyi yanında İnformasiya Texnologiyaları Fonduna bu vaxta qədər 903 layihə təqdim edilib. 

"Report" xəbər verir ki, bu barədə bu gün Bakıda keçirilən "Made in Azerbaijan: İnnovasiyalar və texnologiyalar Forumu"nda məlumat verilib.

Məlumata görə, bu layihələrin yalnız 13%-nə qrant ayrılıb: "Bu layihələrin 117-i yaxud 12,9%-inə 1,5 mln manat qrant ayrılıb. Həmçinin həmin layihələrdən 12-nin rəhbəri xanımdır. Bundan başqa 16 sahibkarlıq subyektinə 11,2 mln manat güzəştli kredit ayrılıb".