CATL elektrik təyyarələri üçün akkumulyatorların hazırlanmasına sərmayə qoyur

Çinin akkumulyator nəhəngi CATL elektrik təyyarəsi şirkəti “Autoflight”a milyonlarla dollarlıq sərmayə yatırıb.

“Report” xəbər verir ki, bu barədə “Autoflight”ın avqustun 3-də dərc olunmuş məlumatında bildirilib.

Əldə edilən razılaşmalara əsasən, hər iki şirkət elektrik təyyarələri üçün nəzərdə tutulmuş innovativ akkumulyator sistemləri yaratmaq üçün səylərini birləşdirəcək. Əməkdaşlığın əsas məqsədi elektrik təyyarələrinin uçuş məsafəsini və yükgötürmə qabiliyyətini əhəmiyyətli dərəcədə artırmaqdır.

Qeyd olunub ki, bu tərəfdaşlıq ekoloji cəhətdən təmiz aviasiya texnologiyaları sahəsində yeni perspektivlər açır və elektrik aviasiyasının inkişafında mühüm addım ola bilər.