Beynəlxalq Astronavtika Konqresinin elm müsabiqəsində iştirak müddəti uzadılıb

Rəqəmsal İnkişaf və Nəqliyyat Nazirliyi yanında Kosmik Agentlik ("Azərkosmos") və Beynəlxalq Astronavtika Federasiyasının təşkilatçılığı ilə bu il oktyabrın 2-6-da Bakıda keçiriləcək Beynəlxalq Astronavtika Konqresinin elm müsabiqəsində iştirak etmək üçün müddət martın 10-na qədər uzadılıb.

"Report" bu barədə "Azərkosmos"-a istinadən xəbər verir.

Müsabiqə iştirakçılara elmi iş və yaxud məqalələrini kosmik sahənin ən böyük tədbirində təqdim etmək imkanı verir. Müəllif Beynəlxalq Astronavtika Federasiyasının saytında qeydiyyatdan keçdikdən sonra hesab yaradıb aidiyyəti bölmə üzrə məqalənin xülasə hissəsini yükləyə bilər.