“Baidu” "ağıllı avtomobil" yaratmaq niyyətindədir

“Baidu” şirkəti 2023-cü ilədək özünün "ağıllı avtomobil" modelini hazırlayıb təqdim etmək niyyətindədir.

“Report” “PengPay”ə istinadən xəbər verir ki, bunu şirkətin baş direktoru Robin Li Yanhonq Şanxay şəhərində keçirilən Dünya Süni Zəka Konfransında (WAIC) bildirib.

"Ağıllı avtomobillər"in gələcəyinə dair fikirlərini açıqlayan şirkət rəhbəri onları yüksək texnologiyalara əsaslanan robot olaraq səciyyələndirib. Belə avtomobillərin tətbiqilə yol qəzalarının sayını azaltmağın, yollarda təhlükəsizliyi artırmağın mümkün olacağı diqqətə çatdırılıb.