Azərbaycanın ilk mobil operatorunun bazardakı payı açıqlanıb

Azərbaycanın mobil rabitə bazarında "Bakcell" şirkətinin payı 30 % təşkil edir.

"Report" xəbər verir ki, bunu şirkətin baş icraçı direktoru Klaus Müller bu gün Bakıda keçirilən "Inmerge" İnnovasiya Sammiti çərçivəsində "Maneələri aşmaq: Telekommunikasiya çağırışçıları rəqabəti necə gücləndirir və innovasiyaya təkan verir" adlı paneldə deyib.

O bildirib ki, hazırda "Bakcell"in 3 milyona yaxın abunəçisi var: "Bakcell" qədim tarixi olan bir şirkətdir. Şirkət müxtəlif layihələr həyata keçirir və abunəçilər üçün maraqlı kampaniyalar təşkil edir. Şirkət mütəmadi olaraq bu istiqamətdə layihələr reallaşdırmağı planlaşdırır".

Qeyd edək ki, ölkənin ilk mobil operatoru olan "Bakcell" 055 və 099 prefikslərdən istifadə edir.