Azərbaycanın İKT sektorunda orta aylıq əməkhaqqı 14 % artıb

Bu ilin yanvar-may aylarında Azərbaycanda informasiya və rabitə sektorunda (İKT) orta aylıq nominal əməkhaqqı 1 724 manat təşkil edib.

“Report” Dövlət Statistika Komitəsinə istinadən xəbər verir ki, dövlət sektorunda bu göstərici 1 462 manat, özəl sektorda isə 1 917 manat olub.

Ötən ilin eyni dövrü ilə müqayisədə İKT sektorunda orta aylıq nominal əməkhaqqı 14 %, o cümlədən dövlət sektorunda 15,6 %, özəl sektorunda isə 12,3 % artıb.

Azərbaycanda İKT sektorunda muzdla çalışan işçilərin sayı iyunun 1-nə 33,8 min nəfər olub ki, bu da bir il əvvəlki göstəricidən 5,6 % çoxdur.