Azərbaycanın İKT sektorunda bu il məhsul istehsalı 8 %-ə yaxın artıb

Bu ilin yanvar-aprel aylarında Azərbaycanda informasiya və kommunikasiya texnologiyaları (İKT) sektorunda 716 milyon manatlıq məhsul istehsal edilib.

“Report” Dövlət Statistika Komitəsinə istinadən xəbər verir ki, bu, 2024-cü ilin eyni dövrü ilə müqayisədə 7,8 % çoxdur.

Təkcə apreldə isə bu sektorda 190,5 milyon manatlıq məhsul istehsal olunub ki, bu da 1 il əvvələ nisbətən 9 % çoxdur.

Yanvar-aprel aylarında sektorun Ümumi Daxili Məhsulda (ÜDM) payı 1,8 % təşkil edib.

Xatırladaq ki, hesabat dövründə Azərbaycanda 39 milyard 305,8 milyon manatlıq və yaxud illik müqayisədə 0,9 % çox ÜDM istehsal olunub.