Azərbaycanın İKT sektorunda avqustda göstərilən xidmətlərin dəyəri 14 % artıb

Bu ilin yanvar-avqust aylarında Azərbaycanda informasiya və rabitə müəssisələri tərəfindən göstərilən xidmətlərin dəyəri 2 milyard 237,2 milyon manat təşkil edib.

“Report” Dövlət Statistika Komitəsinə istinadən xəbər verir ki, bu, 2023-cü ilin eyni dövrü ilə müqayisədə 13,2 % çoxdur.

Bu sahədə əldə edilmiş gəlirin 84,2 %-i qeyri-dövlət sektorunun payına düşüb, 74,3 %-i isə əhali sektoruna aid olub.

Təkcə avqust ayında informasiya və rabitə müəssisələrinin göstərdiyi xidmətlərin dəyəri 297,9 milyon manat olub ki, bu da 2023-cü ilin eyni dövrünün göstəricisindən 14 % çoxdur.