Azərbaycanın elektron cihaz bazarında planşetlərin payı 4-cü aydır azalır

Bu ilin aprel ayında Azərbaycanın elektron cihaz bazarında (kompüter, mobil cihaz və planşetlər) mobil cihazların payı 73,32 % təşkil edib.

“Report”un “Statcounter” agentliyinin aprel hesabatına istinadən verdiyi məlumata görə, bu, mart ayına nisbətən 0,12 faiz bəndi çox, 2024-cü ilin aprel ayı ilə müqayisədə isə 0,54 faiz bəndi azdır.

Kompüterlərin bazar payı aylıq 0,02 faiz bəndi, illik müqayisədə isə 0,78 faiz bəndi artaraq 25,92 % olub.

Apreldə planşetlərin bazar payı 0,76 %-ə düşüb ki, bu da marta nisbətən 0,14 faiz bəndi, bir il əvvəlki göstərici ilə müqayisədə isə 0,24 faiz bəndi azdır. Beləliklə planşetlərin bazar payı ardıcıl olaraq 4-cü aydır azalır.