Azərbaycanda planşetlərin bazar payı iyulda 45 % artıb

Bu ilin iyul ayında Azərbaycanın elektron cihaz bazarında (kompüter, mobil cihaz və planşetlər) mobil cihazların payı 75,72 % təşkil edib.

“Report”un “Statcounter” agentliyinin iyul hesabatına istinadən verdiyi məlumata görə, bu, iyun ayına nisbətən 1,76 faiz bəndi az, bir il əvvəlki göstərici ilə müqayisədə isə 1,38 faiz bəndi çoxdur.

Kompüterlərin bazar payı müvafiq olaraq 1,46 faiz bəndi artaraq və 0,76 faiz bəndi azalaraq 23,31 % olub.

İyulda planşetlərin bazar payı 0,97 %-də qərarlaşıb ki, bu da iyuna nisbətən 0,30 faiz bəndi çox, bir il əvvəlki göstərici ilə müqayisədə isə 0,60 faiz bəndi azdır. Beləliklə ötən ay elektron cihaz bazarında planşetlərin payı 45 % artıb.