Azərbaycanda planşetlərin bazar payı 11 illik minimuma enib

Bu ilin yanvar ayında Azərbaycanın elektron cihaz bazarında (kompüter, mobil cihaz və planşetlər) mobil cihazların payı 76,48 % təşkil edib.

“Report”un “Statcounter” agentliyinin yanvar hesabatına istinadən verdiyi məlumata görə, bu, ilin əvvəlinə nisbətən 3,19 faiz bəndi azdır, bir il əvvəlki göstərici ilə müqayisədə isə 11,52 faiz bəndi çoxdur.

Kompüterlərin bazar payı müvafiq olaraq 3,4 faiz bəndi artaraq və 11,13 faiz bəndi azalaraq 22,69 % olub.

Yanvarda planşetlərin bazar payı 0,84 %-də qərarlaşıb ki, bu da ilin əvvəlinə nisbətən 0,20 faiz bəndi, bir il əvvəlki göstərici ilə müqayisədə isə 0,38 faiz bəndi azdır. Beləliklə də planşetlərin bazar payı son 11 ilin minimum səviyyəsinə düşüb.