Azərbaycanda mobil rabitə gəlirləri 2 %-ə yaxın artıb

Bu ilin yanvar-iyul aylarında Azərbaycanda mobil telefon rabitəsi xidmətlərindən 702,6 milyon manat gəlir əldə edilib.

“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 1,7 % çoxdur.

Təkcə iyulda isə adıçəkilən xidmətlərdən 105,1 milyon manat gəlir əldə olunub ki, bu da 1 il əvvələ nisbətən 0,1 % çoxdur.

2024-cü ildə Azərbaycanda mobil telefon rabitəsi xidmətlərindən 1 milyard 235 milyon manat gəlir əldə edilib. Bu, 2023-cü illə müqayisədə 6,7 % çoxdur.