Azərbaycanda mobil cihazların bazar payı noyabrda 9 % azalıb

Bu ilin noyabr ayında Azərbaycanın elektron cihaz bazarında (kompüter, mobil cihaz və planşetlər) mobil cihazların payı 71,81 % təşkil edib.

“Report”un “Statcounter” agentliyinin noyabr hesabatına istinadən verdiyi məlumata görə, bu, oktyabr ayına nisbətən 0,3 faiz bəndi çox, bir il əvvəlki göstərici ilə müqayisədə isə 7,06 faiz bəndi çoxdur. Bir il əvvəlki göstərici ilə müqayisədə mobil cihazların bazar payı 9 % azalıb.

Kompüterlərin bazar payı oktyabra nisbətən 1,8 faiz bəndi azalaraq, 2023-cü ilin noyabr ayı ilə müqayisədə isə 5,8 faiz bəndi artaraq 25,72 % olub.

Noyabrda planşetlərin bazar payı 2,47 %-də qərarlaşıb ki, bu da oktyabra nisbətən 1,53 faiz bəndi, bir il əvvəlki göstərici ilə müqayisədə isə 1,26 faiz bəndi çoxdur.